Si losed Lagerradio...
Lagerradio-Lied als PDF zum ausdrucken
Bi schönschtem Wetter sitz ich plötzlich ganz allei
am Namittag ir Badi, ich wett nanig hei.
Öbs gschlosse seig, frög schüch ich bi de Kassefrau -
si ghört mi nöd, si gseht mi nöd, si loset au!
Si loset Lagerradio,
si loset U K W!
Da chan no villes gscheh,
1: si würdi alls drum gäh...
2: si wett no meh!
De Schnellbus quietscht um d Kurve, verwütscht si grad no knapp,
uf grader Strecki flissig jede Radar schnappt.
De Chüeler chochet, d Brämse sind scho gförli heiss...
Käs Wunder, vorne lauft am Radio Formel 1!
Er loset Lagerradio,
er loset U K W!
Da chan no villes gscheh,
1: er würdi alls drum gäh...
2: er wett no meh!
Am halbi Nüni ghörsch im Schuelhuus ein Radau,
us jedem Zimmer rüefets, mir wend lose - au!
Am Zähni isch no immer nöd en Lehrer da,
en guete Song häts d Ziit dihei vergässe laa.
Si losed Lagerradio,
si losed U K W!
...
Bim Notfall im Spital lauft hüt so ziemlich nüüt,
vor gschlossner Tür näbem Empfang häts sehr vill Lüüt.
Im OP-Saal, en Patient stirbt vor sich hii,
de Dokter näbedra lost "Kriminal-Serie"!
Er loset Lagerradio...
Am Sunntig staht de Pfarrer vor em leere Saal.
Käs Wunder, so vill Sänder wie d Lüüt händ zur Wahl.
"Ou - toll, hütt bruuch i würkli nöd die Sünderschar,
am Radio i de Kanzle schliessli chunnt min Star."
Si losed Lagerradio...
Und zmitzt ir Stadt, da fahred d Auto chrüz und quer,
kän Polizischt sich kümmeret um dä Verchehr.
Ir Nachberschaft, da brännt scho lang en ganze Block,
im Füür-Depot am Radio lauft drum Hardrock.
Si losed Lagerradio...
De Flugplatz zletscht machts Chaos grad no ganz komplet,
es Flugi landet deet, won eis grad schtarte sött.
De Uskunfts-Maa ir Abflughalle isch am End,
im Tower alli Music-Star drum lose wänd..
.
Si losed Lagerradio...